الاثنين، 22 أبريل، 2013

فستان للبنوتات:








شرح الطريقة مكتوبة بالخطوات:

الفستان بيدا بسلاسل على قد محيط وسط البنوتة ويكون عددها يقبل القسمة على 5وهنقفلها بمنزلقة
واول سطر :هنطلع ب 3 س بدل اول ع ثم ع فى نفس الغرزة يعنى فى السلسة الرابعة من الابرة ثم 3 س ثم 2 ع فى نفس الغرزة وكده نكون عملنا اول صدفة فى السطر وهنكمل السطر كله بغرزة الصدفة (2ع س 2ع )فى نفس الغرزة ونفوت 5س ثم نكرر صدفة وهكذا لاخر السطر ونقفل بمنزلقة فى س رقم 3 من سلاسل اللى بدانا بيها السطر الاول
السطر التانى :نبدأ بغرزتين منزلقة لحد ما نوصل لاول فراغ تحت السلستين فى اول صدفة ثم نعمل 3 س بدل اول ع وفى نفس الفراغ نعمل (ع و2س و 2ع )يعنى صدفة فى وسط الصدفة ثم ننتقل مباشرة لتانى فراغ نعمل صدفة فى فراغ الصدفة التانية يعنى هكمل السطر كله صدفة فوق الصدفة
هنكرر السطر التانى لحد ما نوصل لمكان حردة الابط مع مراعاة انى ممكن ازود س فى كل صدفة واخليها (2ع 2س2ع ) عشان اوسع شوية لو منطقة الابط والصدر اتخن من منطقة الوسط
بالنسبة للضهر هنوقف الشغل فيه
اما الصدر من الامام
لو شفنا الصورة اعلاه للفستان من الامام هنلاقى الاتى
هنكمل كمان حوالى 5 او 6 سطور عشان اشكل من الامام يكون مناسب وميكونش بيضايق عند حردة الابط
يعنى هنحدد جزء من الشغل اللى كنا شغالين فيه داير ما يدور حوالى التلت وهنشتغله رايح جاى لحد ما نكمل ال6 سطور بغرزة الصدفة 

الجزء السفلى:-
الجزء ده بيتكون من وحدات شكلها زى الالمازة بتبدأ بعدد اعمدة وتزيد وترجع تنقص تانى ونعمل وحدات الدورالتانى بين الاول اما االدور التالت بيكون تحت الدور الاول وبين وحدات التانى
والرابع تحت التانى وبين التالت وهكذا هنشوف من خلال الشرح الاتى لشكل الوحدة 
هنرجع لسلاسل البداية مرة تانية
هنعمل اول سطر غرزة الصدفة زى اول سطر فى الجزء العلوى يعنى فى نفس الغرز بس هنعمل صدفة مرة ونسبيب صدفة ونعمل بدالها 5 س مرة
يعنى هنمشى صدفة 5 س ونترك تحتها صدفة
تانى سطر هنعمل صدفة فوق الصدفة ثم 2 س ثم 4 ع فى فراغ الخمسة سلسلة اللى اشتغلناهم السطر السابق ثم 2س ثم صدفة فوق الصدفة
و نكرر لاخر السطر
السطر التالت
صدفة فوق الصدفة ثم 2 س ثم فى الاربعة اعمدة هنعمل 6 ع
يعنى اول ع نعمل فيه 2 ع ثم ع ثم ع ثم 2 ع فى اخر ع من الاربعة
ثم 2س ثم صدفة ونكرر لاخر السطر 
السطر الرابع
هنعمل صدفة ثم 2 س ثم 8 ع فى الستة عمود
يعنى 2 ع فى اول ع ثم ع ثم ع ثم ع ثم ع ثم 2ع فى اخر ع ثم 2س ثم صدفة ونكرر لاخر السطر
السطر الخامس صدفة ثم 2 س ثم 10 ع فى التمانية عمود (2ع فى اول ع ثم 6 ع فى 6ع ثم 2ع فى اخر ع )ثم 2س ثم صدفة ثم نكرر لاخر السطر
السطر السادس
هنعمل صدفة ونصف فوق الصدفة يعنى ايه ؟؟؟؟
يعنى (2ع 2س 2ع 2س 2ع )فى فراغ الصدفة ثم 2س ثم 10 ع فى العشرة ع يعنى ع واحد فى كل ع ثم 2 س ثم صدفة ونصف ونكرر لاخر السطر
ملحوظة:- الصدفة ونصف عشان هنوسع بعد كده 

السطر السابع
هنعمل صدفتين وبينهم 5س تحت الصدفة ونصف يعنى هنعمل (2ع 2س 2ع )فى اول 2س ثم 5س ثم ندخل نعمل (2ع 2س 2ع ) تاني فى فراغ ال 2س التانيين
ثم 2س ثم هنعمل 8 ع تحت العشرة ع يعنى ازااااى ؟
يعنى هنعمل ع فى اول ع ونخلى اخر لفة على الابرة ومنقفلهاش وندخل نعمل ع فى تانى ع ونخلى اللفة على الابرة ونقفل العمودين مع بعض قفلة واحدة ثم نعمل ع فى كل ع ونقفل اخر عمودين قفلة واحدة كده يبئى المجموع 8 ع والشكل متناسق على الاحرف ومش سايبين غرز
ثم نعمل 2س ثم صدفتين تحت الصدفة ونصف زى ما وضحت ونكرر لاخر السطر
السطر التامن
صدفة ثم 2س ثم 4 ع فى فراغ ال5س ثم 2س ثم صدفة ثم 2س ثم 6 ع تحت ال8 ع بطريقة اللى شرحناها السطر السابق يعنى نقفل اول عمودين واخر عمودين قفلة واحدة ونكرر لاخر السطر 

السطر التامن
صدفة ثم 2س ثم 4 ع فى فراغ ال5س ثم 2س ثم صدفة ثم 2س ثم 6 ع تحت ال8 ع بطريقة اللى شرحناها السطر السابق يعنى نقفل اول عمودين واخر عمودين قفلة واحدة ونكرر لاخر السطر
هنلاحظ اننا بدأنا نعمل وحدات جديدة من الشكل اللى بيتكون منه الجزء السفلى والعدد هيزيد عن الدور الاول
السطر التاسع
صدفة ثم 2س ثم 6 ع فوق ال4 ع ثم 2س ثم صدفة ثم 2س ثم 4 ع تحت ال6ع بنفس الطريقة السابق شرحها ثم 2س ثم صدفة ثم 2س ثم 6 ع ثم 2س ثم صدفة ونكرر لاخر السطر
السطر العاشر
صدفة ثم 2س ثم 8 ع تحت ال6 ع ثم 2س ثم صدفة ثد 2س ثم 2ع تحت ال4 ع ثم 2س ثم صدفة ثم 2س ثم 8 ع فوق ال6 ع اللى بين الصدفتين ثم 2س ثم صدفة ونكرر لاخر السطر
السطر الحادى عشر
صدفة 2س ثم 10 ع فوق ال8 ع ثم 2س ثم صدفة ثم 2س ثم ع واحد او بالاصح عمودين مقفولين قفلة واحدة تحت ال2ع ثم 2س ثم صدفة ونكرر لاخر السطر
وكده احنا خلصنا اول دور من الوحدات ونصف الدور التانى منها
وهنبدا من السطر الثانى عشر نعمل الدور التالت تحت الدور الاول اللى اتقفل
والشكل التالى تخطيط بيوضح الشكل باترون 


هناك تعليقان (2):

  1. رائع أريد الطريقة مكتوبة بالخطوات

    ردحذف
  2. ان شاء الله راح اكتبلك الخطوات مسرورة بزيارتك

    ردحذف